Los tres Piñol é la segunda obra d’una trilochía que comenza con la novela «Lo que mai no s’olbida» y remata con «Quan tornen». Los Piñol son tres homes que llevan el mesmo apelliu. El pare, Ricardo, tiene dos fillos, Alejandro y Philippe, de distinta nacionalidat y de dos mullers diferents.
Con esta obra l’autora s’interna en los dilemas y las pasions de Marina y Catherine, las dos mullers de Ricardo, en un escenario marcau per el nacimiento d’el nieto. Tot ixo baixo las resonancias d’el primer viache a la lluna y en un París que empeza con los problemas migratorios, dimpués de la guerra d’Argel.
La frachilidat y desasusiego d’un personache como Catherine, conforma este drama que tiene un sosprendent desenlace que mos dixará con la miel en los llabios.
Elena Chazal: nacida en Estadilla (Uesca) en 1960. Ha centrau la suya producción literaria en la llengua materna, encara que tamé ha publlicau bels libros en castellano, como el poemario Atmósferas (2011) u l’ensayo Carrodilla (2013).
Tras recibir varios premios literarios en aragonés, publica la primera novela Lo que mai no s’olbida (2005). En 2006 recibe el Condau de Ribagorza con la narración Los dos hermanos.
Ha siu guionista d’el documental Visions d’una llengua, l’aragonés de la Ribagorza (2006) y libretista de la opera Martina (2016), las dos d’Aurelio Bardaxí. En 2009, publica Cuentos de la lluna en mingua y en 2016 l’estudio: Bernabé Romeo (1841-1916) obra en aragonés ribagorzano, en chunto con Xavier Tomás y Chusé Raúl Usón. En 2018 vei la lluz la obra de teatro Los tres Piñol, que ara reeditam independient de los rellatos que l’acompanyaban.
En 2022 recibe el XII premio nobela curta Ziudá de Balbastro con la novela Quan tornen.