La Subordania (epopeya chesa sin d´acabanza)

Subordania ye, en parolas d´o poeta cheso Emilio Gastón, una epopeya chesa sin d´acabanza y a primer begada que iste autor, ya consagrato en castellano, s´embreca en a faina d´escribir en a nuestra fabla. O pasato d´a Bal ye bullindo en os bersos con as bozes antigas de dioses y diosas, abetes e auguas gorgollosas, que se concaran con a maldáu que acucuta entre paisaches acotolatos e boiras de progreso. L´esdebenidero d´o País desixe l´empenta goyosa de l´amor de una chobeneta de rosa e nieu con un forano de dos almas e caldrá tamién, ta trobar ixa acabanza ta ra istoria, que siga o mesmo leutor o tixaire d´as suyas rispuestas ta ras demandas que rechitan de punta ta coda d´o libro.