Cartas en l’horrio (y atras historias) ye un libro de relatos y microrrelatos d’o periodista, profesor y activista asturiano Inaciu Galán. Replega historias variadas que perteneixen a diversos cheners como relato historico, misterio, terror, amor, fantasía u humor. La cultura, la historia y la realidat social d’Asturias gosan chugar un paper central en os relatos que, de vez, reflexionan sobre temas importants y actuals. L’autor engancha a lo lector con a suya prosa áchil y fresca, caracterizada per la busqueda d’un elemento sospresa.
Inaciu Galán, ye escritor, periodista y chestor cultural. Doctor per la Universidat d’Uviéu con a investigación «La llingua asturiana nel Franquismu». Ha estau reconoixiu con o Premio “Urogallu de Bronce” per lo Centro Asturiano de Madrid, y con buena cosa de premios literarios, entre los que destacan lo Premio Fernán-Coronas de poesía u lo Enriqueta González Rubín de periodismu.
Juan Pablo Martínez Cortés, ye catedratico de Teoría d’o Sinyal y Comunicacions en a Universidat de Zaragoza. Ha coordinau los treballos d’a Gramatica basica de l’aragonés (2021, Prensas de la Universidad de Zaragoza) y ye coautor de treballos sobre la situación de l’aragonés.