A rosada en os güembros

Pero en i hai una mena especial d’ombres que sienten en l’almeta d’o suyo corazón una delra sin de ligallos; una baruca que enfosca pero, de begada, rebella as suyas entendederas; y una fuerza más poderosa que no as combenzions sozials y que l’asentau chuizio los empenta a fer locuras. Ista mena d’ombres son os que esbarafundian o mundo, u os que lo salban, os que farchan as reboluzions, u os que fan que s’afoguen en sangra; os que creyan as obras d’arte, y os que las están. Si son capables de morir por ixo que mana d’a suya alma, se tornan en mártirs, en santos, en misticos; si son capables de matar por ixo, serán terroristas, conqueridors u ditadors.